ഫാമിലി അപോസ്റ്റലേറ്റ്
പ്രീകാന കോഴ്സ്
വിവാഹ ഒരുക്ക കോഴ്സ് : ഡിജിറ്റല് മാധ്യമങ്ങളുടെ അതിപ്രസരം, ലൈംഗീകതയുടെ കമ്പോള വല്ക്കരണം സ്ത്രീകളുടെ ഉയര്ന്ന വിദ്യാഭ്യാസം, ജോലി, നഗരവല്ക്കരണം, മദ്യം, മയക്കുമരുന്നുകളുടെ ഉയര്ന്ന ഉപയോഗം, വ്യക്തികേന്ദ്രീകൃത സാമ്പത്തിക പുരോഗതി, മനുഷ്യജീവിതത്തിന്റെ ഭൗതീകവല്ക്കരണം എന്നിവ ഇന്ന് വിവാഹജീവിതത്തിന് വെല്ലുവിളികള് ഉയര്ത്തുന്നു. ഈ വെല്ലുവിളികളെ അതിജീവിച്ച് വിവാഹജീവിതം വിജയിപ്പിക്കാന് വ്യക്തമായ കാഴ്ചപാടുകളും കഴിവുകളും വികസിപ്പിക്കുന്ന ഒരുക്കം ആവശ്യമാണ്. ആയതിനാലാണ് സഭ വിവാഹഒരുക്ക കോഴ്സ് സംഘടിപ്പിക്കുന്നത്. നമ്മുടെ അതിരൂപതയില് എല്ലാ ആഴ്ചയും ബുധന് മുതല് വെള്ളിവരെയുള്ള ദിവസങ്ങളില് ഈ കോഴ്സ് ആമ്പലൂര് സ്പിരിച്ചല് ആനിമേഷന് സെന്ററില് നടത്തുന്നു. വിവാഹത്തിന് ഒരുക്കമായുള്ള മൂന്നു ദിവസത്തെ കോഴ്സ് വിവാഹപ്രായമായ ശേഷം എപ്പോഴെങ്കിലും ഒരു തവണ കൂടിയാല് മതി. പിന്നെ വിവാഹസമയത്ത് കൂടേണ്ടതില്ല.
a) വിവാഹ ഒരുക്ക ക്ലാസുകള് ഇനി ഓണ്ലൈന് വഴി ബുക്ക് ചെയ്യാവുന്നതാണ്. 2016 മെയ് മുതല് ഓണ്ലെന് ബുക്കിങ്ങിനായി www.lifematrimonial.com എന്ന വെബ്സൈറ്റ് തുറന്ന് മെനുബാറില്നിന്നും course എന്ന tab തുറന്നാല് കാണുന്ന വിവിധ ആഴ്ചകളിലെ course list ല് നിന്നും ആവശ്യമുള്ള Course നു നേരെ കാണുന്ന booking tab click ചെയ്താല് ഒരു form തുറന്നു കിട്ടും. എല്ലാ details ഉം പൂരിപ്പിച്ചു കഴിഞ്ഞാല് course fee അടക്കുന്നതിനുള്ള gateway details വരും debit card ഉപയോഗിച്ചോ credit card ഉപയോഗിച്ചോ payment നടത്താവുന്നതാണ്.
മാരിജ് ബ്യൂറോ :
a) അനുഗ്രഹ ബ്യൂറോ: ഫാമിലി അപ്പൊസ്റ്റൊലേറ്റിന്റെ ആഭിമുഖ്യത്തില് പത്തുവര്ഷങ്ങള്ക്ക് മുമ്പ് ആരംഭിക്കുകയും വിവാഹപ്രായമായവര്ക്ക് വഴികാട്ടിയായി പ്രവര്ത്തിക്കുകയും ചെയ്യുന്ന ബ്യൂറോയാണ് അനുഗ്രഹ മാരിജ് ബ്യൂറോ. തൃശ്ശൂരിനകത്തും പുറത്തുമുള്ള രൂപതകളിലെ കുട്ടികളുടെ ഫോട്ടോയും വിശദാംശങ്ങളും നേരിട്ട് ഫാമിലി അപ്പൊസ്റ്റൊലേറ്റില് വന്ന് കാണാനുള്ള സൗകര്യം ഉണ്ടായിരിക്കുന്നതാണ്.
b) lifematrimonial.com: സീറോമലബാര് സഭയിലെ ഇന്ത്യയ്ക്ക് അകത്തും പുറത്തുമുള്ള എല്ലാ രൂപതകളെയും ബന്ധിപ്പിച്ചുകൊണ്ട് സീറോ മലബാര് സഭയുടെ ആസ്ഥാനത്തുനിന്നു തയ്യാറാക്കിയ മാരിജ് ബ്യൂറോയാണ് lifematrimonial.com നമ്മുടെ അതിരൂപതയിലെ ഫാമിലി അപ്പൊസ്റ്റൊലേറ്റിന്റെ ആഭിമുഖ്യത്തില് ഈ ബ്യൂറോ 2013 മുതല് പ്രവര്ത്തിച്ചുവരുന്നു. കൂടുതല് വിവരങ്ങള്ക്ക് താഴെയുള്ള ഫോണ് നമ്പറുകളില് ബന്ധപ്പെടുക. 8281848383, 9605043327, 9947189752
ഏകസ്ഥരുടെ കൂട്ടായ്മ : തൃശ്ശൂര് അതിരൂപതയില് ഏകസ്ഥരായി കഴിയുന്നവര്ക്കായി തൃശ്ശൂര് ഫാമിലി അപ്പൊസ്റ്റൊലേറ്റിന്റെ നേതൃത്വത്തില് അര്ദ്ധദിന കൂട്ടായ്മ സംഘടിപ്പിച്ചുവരുന്നു. 'നിങ്ങളുടെ വിവാഹയാത്ര മനോഹരമാക്കാന് ഞങ്ങള് നല്കുന്ന തുടര് സേവനങ്ങള്'
വൈവാഹിക തടസ്സം നേരിടുന്നവരുടെ പെണ്കുട്ടികളുടെ കൂട്ടായ്മ : വിവിധ കാരണങ്ങളാല് വിവാഹം തടസ്സം നേരിടുന്ന 25 വയസ്സ് കഴിഞ്ഞ യുവതികളുടെ അർദ്ധദിന കൂട്ടായ്മ ഫാമിലി അപ്പൊസ്റ്റൊലേറ്റില് സംഘടിപ്പിക്കുന്നു. ഈ അർദ്ധദിന കൂട്ടായ്മയിലേക്ക് വിവാഹതടസ്സം നേരിടുന്ന പെണ്കുട്ടികളെ ക്ഷണിക്കുന്നു. ജൂണ് 16 ശനിയാഴ്ച്ച ഉച്ചകഴിഞ്ഞ് 2.30 മുതല് 4.30 വരെ നടത്തപ്പെടുന്നു.
ബധിരരും മൂകരുമായവര്ക്കുവേണ്ടിയുളള വിവാഹ ഒരുക്ക കോഴ്സ് : തൃശ്ശൂര് ഫാമിലി അപ്പൊസ്റ്റൊലേറ്റിന്റെ നേതൃത്വത്തില് ബധിരരും മൂകരുമായിട്ടുള്ളവര്ക്കുള്ള ഏകദിന വിവാഹ ഒരുക്ക കോഴ്സ് ഫാമിലി അപ്പൊസ്റ്റൊലേറ്റില് വച്ച് ഏപ്രില് 15-ാം തിയ്യതി നടക്കുന്നു. വിവാഹ പ്രായമായിട്ടുള്ള എല്ലാ ബധിരരും മൂകരുമായിട്ടുള്ളവരെ ക്ഷണിക്കുന്നു. വിവാഹ ഒരുക്ക കോഴ്സില് സംബന്ധിക്കാന് ആഗ്രഹഹിക്കുന്നവര് ഫാമിലി അപ്പൊസ്റ്റൊലേറ്റില് പേര് റജിസ്റ്റര് ചെയ്യേണ്ടതാണ്.
